صار وقت الربيع: أهم ترندات الموسم الجديد
تقدملك موضة الكروشيه جمال الملمس وحلاوة الألوان المرحة وإبداع التصاميم اللي ماله حدود! ربيع السنة جمعلك الصفات الثلاثة كلها لتملئي خزانة ملابسك بقطع كروشيه ربيعية وجميلة سواء براليت أو تنانير أو بلايز
شو ما كان ذوقك واختيارك، موضة الكروشيه تعيّشك جمال أيام الربيع والجو اللطيف بكامل أناقتك
رجعت موضة الألوان الزاهية والساطعة! سيطرت الألوان الجريئة على ملابس الربيع لتضيف حركة على كل الإطلالات. إذا كنتِ من محبينها أو لأ - ما في لكِ مفرّ لأنها حاضرة بكل مكان! للجريئات وعاشقات هذه الألوان، زيدي حماسك وخلي كامل إطلالتك من هذه الألوان القوية - أما الخجولات، بكل بساطة اختاري إكسسوار جريء لتمشي مع الترند
نسقيها على طريقتك الخاصة بجميع الأحوال حتكوني ستايلش وجميلة
بتفكري تحضرّي حالك لترندات الربيع؟ كملي معنا! الملابس المنقطة سواء نقاط صغيرة وبسيطة أو كبيرة وجريئة هي موضة كلاسيكية ما بتختفي أبداً لأنها أنثوية وبتظهر بستايلات جديدة ومميزة وغير إنها مثالية لمختلف المناسبات والطلعات
جمعيّ كل الملابس المنقطة اللي عندك لأنهم رجعوا بقوة هذا الربيع
قصة الأزياء بطبقات متعددة تضيف تأثير ساحر على حركتك ومشيتك وخاصة بالتنانير! الوقت المثالي لها هي أيام الربيع المنعشة والمرحة - عيشي اللحظة ونسقي بلوزة طبقات مع تنورة أو العكس حسب ذوقك وقوامك
ثلاث كلمات توصف جمال الملابس المحبوكة - ناعمة وعصرية وأنيقة - وتخيلي تضيفي لهم لمسة بألوان الباستيل! لعبة التنسيق فائزة لموسم الربيع
احتفظي بكل محبوكات الشتاء ونسقيها مع قطع بألوان باستيل لتضيفي لمسة مرحة وربيعية إلى إطلالتك
تصاميم الملابس العملية مستوحاة بالعادة من القصات العسكرية! وغالباً قصتها تميزها الجيوب الكبيرة والألوان بدرجات الأخضر والبني. موضة الربيع السنة سهلة التنسيق ومحبوبة للجميع
الخيارات عندك كثيرة من بين البنطلونات العملية والبلايز والفساتين والجاكيتات برضه
